← ပင်မစာမျက်နှာ

🔍 စစ်ဆေးမှုလုပ်ငန်းစဉ်

စစ်ဆေးမှုလုပ်ငန်းစဉ် ဆိုတာ ဘာလဲ?
သတင်းပို့မှု တစ်ခု ရောက်လာပြီးနောက် အများပြည်သူ မြင်နိုင်တဲ့ "အတည်ပြုပြီး" အဆင့်ရောက်တဲ့အထိ အဖွဲ့က လုပ်ဆောင်တဲ့ အဆင့်ဆင့် စစ်ဆေးမှု ဖြစ်ပါတယ်။

ဘာတွေကို စစ်ဆေးတာလဲ?

  1. ① သတင်းပို့မှု ရောက်ရှိခြင်း — အလိုအလျောက် "စစ်ဆေးဆဲ"Google Form ကနေ သတင်းပို့မှု ရောက်လာတာနဲ့ စနစ်က အလိုအလျောက် "🔍 စစ်ဆေးဆဲ" အဖြစ် မှတ်တမ်းတင်ပါတယ်။ ဒီအဆင့်မှာ အများပြည်သူ အသေးစိတ် မမြင်ရသေးပါ — ဖုန်းနံပါတ် ရှာရင်တောင် "စစ်ဆေးနေဆဲ" လို့သာ ပြပါတယ်။ သတင်းပို့သူရဲ့ ကိုယ်ရေးအချက်အလက် (အမည်၊ ဖုန်း၊ email) ကို လုံးဝ ထုတ်ပြန်မပေးပါ။
  2. ② အချက်အလက် တိုက်ဆိုင်စစ်ဆေးခြင်းဖုန်းနံပါတ်၊ အကောင့်၊ username တို့ မှန်ကန်မှု ရှိမရှိ စစ်ပါတယ်။ အရင် သတင်းပို့မှုတွေနဲ့ တူညီသူ ရှိရင် မှတ်တမ်းချင်း ချိတ်ဆက် (merge) ပေးပါတယ် — လိမ်သူ တစ်ဦးတည်းကို မှတ်တမ်းအစုံနဲ့ ခြေရာခံနိုင်ဖို့ပါ။
  3. ③ အထောက်အထား သုံးသပ်ခြင်း — အဓိကထား စစ်ဆေးချက်စစ်ဆေးမှုမှာ သက်သေ (အထောက်အထား) ကို အဓိကထားပါတယ်။ ငွေလွှဲပြေစာ၊ screenshot၊ conversation မှတ်တမ်း စတဲ့ အထောက်အထား အနည်းဆုံး တစ်ခု ပါရပါမယ်။ အထောက်အထား မပါတဲ့ သတင်းပို့မှုကို ထုတ်ပြန်မပေးပါ။ အထောက်အထား အတု/ပြင်ဆင်ထားတာ တွေ့ရှိရင် ပယ်ဖျက်ပါတယ်။
  4. ④ နစ်နာသူအတွက် ဦးစားပေးမှုသတင်းပို့မှု အားလုံးကို အစဉ်လိုက် စစ်ပေမယ့် ဒါတွေကို ဦးစားပေး စစ်ဆေးပါတယ် — ဆုံးရှုံးငွေ ပမာဏ များတာ၊ လူအများ ထိခိုက်နိုင်တဲ့ လိမ်နည်း၊ ထပ်ခါထပ်ခါ သတင်းပို့ခံရသူ။ နစ်နာသူ အမြန်ဆုံး အကာအကွယ် ရစေဖို့ ရည်ရွယ်ပါတယ်။
  5. ⑤ ဆုံးဖြတ်ချက်အထောက်အထား ခိုင်လုံပြီး အချက်အလက် မှန်ကန်ရင် "✔️ အတည်ပြုပြီး" အဖြစ် သတ်မှတ်ပါတယ်။ အထောက်အထား မခိုင်လုံရင်၊ မဟုတ်မမှန် သတင်းပို့မှန်း တွေ့ရှိရင် ပယ်ဖျက်ပြီး သတင်းပို့သူကို အကြောင်းကြားပါတယ်။
  6. ⑥ ထုတ်ပြန်ခြင်း"အတည်ပြုပြီး" သတင်းပို့မှုသာ အများပြည်သူ ရှာဖွေနိုင်ပါတယ်။ ဖုန်းနံပါတ်/ဘဏ်အကောင့်တွေကို အလယ်ဂဏန်းဖျောက် (mask) လုပ်ပြီး ပြပါတယ်။ ဖြစ်စဉ် အသေးစိတ်ကို Telegraph စာမျက်နှာမှာ ဖတ်နိုင်ပါတယ်။

⚠️ ScamWatch Myanmar သည် အစိုးရအသိအမှတ်ပြု အဖွဲ့အစည်း မဟုတ်ပါ — စောင့်ကြည့်ခြင်းနှင့် သတိပေးခြင်းသာ လုပ်ဆောင်ပါတယ်။ တရားဥပဒေအရ အရေးယူခြင်း မလုပ်ပါ။